ازاي تخلي الناس تدور عليك في الزحمة
صدقني يا صاحبي، الناس ممكن تنسى وشك وشكلك وساعتك الغالية، لكن ريحتك لأ…
ريحتك بتفضل في أوضة بعد ما تطلع منها، في العربية بعد ما تنزل، وأوقات بتبقى ريحتك في مخ الشخص وخلاص
ماتبقاش زي بتوع المول اللي يرشو نص الزجاجة على جسمهم… ترى تروح القهوة والناس قاعدة بتعطس. خليك فنان: رشتين وراء ودنين، واحدة على الصدر، وخلاص كده يا كبير
تعالي اقولك ازاي تجيب العطر بتاعك
حاسة الشم تكون قوية الصبح جربه الصبح
رش واحد على إيدك، وامشي ساعة. اسمع جلدك
اعرف انت بتشتغل عطر إيه
- كل عطر ليه وقته ومكانه. ماتلبسش العطر الغالي بتاع السهرة وانت نازل الشغل. ولاتلبس عطر الليمون الخفيف مروح على حفلة خطوبة
الشغل والنهار: عطور خفيفة (حمضيات – مائية – خضرا). يبقى ريحتك نضيفة ومرتبة. - الليل والخروجات والمواعيد: عطر غامق (عود – عنبر – مسك – تبغ). يبقى ريحتك تقول “أنا جيت أتفسح مش جيت أنام”.
- الصيف والقايمة: حاجة منعشة زي الليمون والنعناع والبحري.
- الشتا والصقيع: حاجة دافية زي الفانيليا والتوابل والعود
وفيه سر صغير محدش بيقولك عليه…
العطر مش بس اسم براند ولا سعر. العطر الحقيقي هو اللي يركب عليك انت.
ممكن واحد يرش أغلى عطر في الدنيا ويبقى عادي، وواحد تاني يحط عطر متوسط والناس تسأله: “إيه الريحة الجامدة دي؟”
ليه؟
عشان العطر بيتفاعل مع جلدك، أكلك، وحتى الجو اللي حواليك.
يعني نفس البرفان ممكن يطلع هادي على صاحبك، ويطلع وحش وفخم عليك انت.
وعشان كده، أوعى تشتري عطر من أول رشة على ورقة.
الورقة دي مش جلدك يا معلم.
جربه عليك، وانزل بيه يوم كامل.
العطر ليه 3 مراحل:
• أول ربع ساعة: دي الشو الإعلامي… كله حمضيات وفركشة.
• بعد ساعة: هنا الشخصية الحقيقية تبدأ تظهر.
• آخر اليوم: هنا تعرف العطر ابن ناس ولا نصاب.
وخلي بالك من أهم نقطة:
النضافة قبل العطر.
مافيش عطر في الدنيا هيغطي على عرق أو هدوم مش نضيفة.
العطر الصح يكمّل النضافة… مش يمثل إنه منقذ البشرية.
ولو عايز ريحتك تثبت أكتر:
• رش على أماكن النبض: الرقبة – وراء الودن – الرسغ.
• ماتفركش العطر بإيدك… سيبه يعيش حياته.
• وخزن البرفان بعيد عن الشمس والحر، عشان مايبقاش عصير مانجا بعد شهرين.
وفي الآخر افتكر:
الناس ممكن تنسى كلام كتير…
بس عمرها ما تنسى الشخص اللي مرّ من جنبهم وساب ريحة تخليهم يبصوا وراه.
