أسرار ثبات العطر: ليه فيه عطور بتقعد 12 ساعة وعطور لأ؟

في ناس ترش عطر الصبح، ولسه ريحته موجودة آخر اليوم.
أنا كنت من الناس اللي بتزهق من العطر بعد ساعة… لغاية ما اكتشفت إني كنت بعمل كل حاجة غلط.
طب ايه السر؟ وهل الموضوع مرتبط بسعر العطر؟؟؟؟ ولا بنوع البشرة؟؟؟ ولا بطريقة الرش؟؟؟

في المقال ده هنعرف أهم الأسباب اللي بتخلي بعض العطور ثابتة جدًا، وليه عطور تانية بتطير بسرعة — وكمان هنعرف إزاي تخلي عطرك يعيش أطول وقت ممكن.

ايه هو اصلا ثبات العطر

ثبات العطر يعني المدة اللي تفضل فيها ريحة العطر واضحة على الجلد أو الملابس بعد الرش.

وفي فرق بين:

الفوحان = مدى انتشار الريحة حواليك

الثبات = مدة بقاء العطر

ممكن عطر يبقى ثابت جدًا لكنه هادي، وممكن عطر فواح لكن يختفي بسرعة.

تركيز الزيت العطري هو العامل الأهم

كل ما زادت نسبة الزيوت العطرية، زاد ثبات العطر غالبًا.

وده الفرق بين الأنواع المشهورة:

عشان كده بعض العطور التركيب القوية بتتفوق أحيانًا على عطور ماركات غالية.

2. نوع المكونات بيحدد عمر العطر

مش كل الروائح بتعيش بنفس المدة. عندك مثلا ..

النوتات السريعة

زي:الحمضيات ,الليمون ,البرتقال ,النعناع

دي بتدي إحساس منعش لكنها بتتبخر بسرعة.

النوتات الثقيلة والثابتة

زي:العود, الفانيلا, الأمبر, المسك ,التبغ

دي ممكن تفضل لساعات طويلة جدًا.

عشان كده عطور الشتاء غالبًا أثبت من عطور الصيف.

 3  البشرة الدهنية تثبت العطر أكتر

يمكن تستغرب، لكن نوع بشرتك بيفرق جدًا.

البشرة الجافة تمتص العطر بسرعة

البشرة الدهنية تحتفظ بالريحة لفترة أطول

عشان كده ناس كتير تشتكي إن نفس العطر ثابت مع غيرهم ومش ثابت معاهم.

 4 طريقة الرش ممكن تبوّظ العطر
وده موضوع لوحده – عندنا مقال تاني كاتبينه عن أحسن طريقة لرش العطور، بص عليه لو حابب

ناس كتير بتعمل حركة غلط:
ترش العطر وتفركه بإيديها.

وده بيكسر جزيئات العطر ويقلل عمره.

الصح وده اختصار لو مكسل تقراء المقاله التانيه :😉

رش العطر وسيبه ينشف لوحده.

أقوى العطور الثابتة والفواحة عندنا

لو بتدور على عطور تركيب بجودة عالية وثبات يدوم لساعات طويلة، جرب عطورنا واختار الريحة اللي تناسب شخصيتك.